«Ақтөбе облысының білім басқармасы Байғанин ауданының білім бөлімі» ММ
«Байғанин аудандық шығармашылық орталығы» МКҚК
ГККП «Байганинский районный центр творчества»

ГУ «Отдел образования Байганинского района Управления образования Актюбинской области»

Сатыбалдина Оксана Айсақызы

«Оригами» үйірмесінің жетекшісі

Педагог – модератор

Жұмыс өтілі: 18 жыл

«Оригами» үйірмесі – оқушылардың шығармашылық қабілеттерін дамытуға бағытталған қосымша білім беру бағдарламасы. Бағдарламада қағазбен жұмыс істеудің түрлі техникалары (оригами, модульдік оригами, квиллинг, торцевание, папье-маше, айрис-фолдинг, аппликация, жіппен бейнелеу және т.б.) қамтылған. Бұл үйірме оқушылардың эстетикалық талғамын қалыптастырып, ұлттық құндылықтарды дәріптеуге, қол еңбегіне баулуға мүмкіндік береді. Оқушыларды қағаз бүктеу өнері — оригами техникасымен таныстыру арқылы ұқыптылыққа, сабырлыққа, шығармашылыққа баулу. Қазақтың ұлттық құндылықтарын, салт-дәстүрлерін өнер арқылы насихаттау.Оқушылардың шығармашылық және қолөнермен сәндік-қолданбалы өнерге дағдыларын дамыту, ұлттық мәдениет пен өнерге қызығушылығын арттыру, қағазбен жұмыс істеудің түрлі техникаларын меңгерту.

Қазіргі заман талабына сай жан-жақты дамыған тұлғаны қалыптастырудың бірден-бір жолы, қосымша білім беру үйірмелері арқылы оқушылардың шығармашылық әлеуеті, танымдық қызығушылығы мен логикалық ойлауы дамиды, сондай-ақ олардың ұлттық болмысқа деген құрметі артады. Сол бағытта ұсынылып отырған «Оригами» үйірмесі – өнер мен дәстүрді ұштастыра отырып, тұлғаның үйлесімді дамуына бағытталған. Оригами – бұл тек қағазды бүктеу ғана емес, баланың қиялын ұштап, қол моторикасын дамытатын, сабыр мен шыдамдылыққа баулитын, өз еңбегінің нәтижесіне сүйсінуге тәрбиелейтін ерекше өнер түрі.

ҚБББ өзектілігі, жаңалығы, маңыздылығы, педагогикалық мақсаттылығы;

Қазіргі заманда балалардың шығармашылық әлеуетін дамыту, ұсақ моторикасын жетілдіру және эстетикалық талғамын қалыптастыру – қосымша білім берудің маңызды міндеттерінің бірі болып табылады. “Оригами” үйірмесі балалардың қағазбен, ермексазбен, түрлі материалдармен жұмыс істеу арқылы қиялын, ойлау қабілетін, қол шеберлігін дамытуға бағытталған.